الرسالة السابعة

( 7 )



فجر يوم السفر ، استيقظ الحج كامل وأيقظ اهل بيته كعادته لصلاة الفجر فى جماعة ، ثم بدأوا فى الاستعداد للسفر والتأكد من وجود كل شىء معهم

ثم جاااء خالد على موعده تماماً ، وأنزل والديه الي العربه ، ثم بدأ فى انزال الشنط

وكانت نهي تعد شنطة يدها ووضعت بها تلك الأدويه التي أوصتها الطبيبة بها بعد ان نزعت عنها كل الروشتات والاوراق التي تبين دواعى استخدامها ،ووضعت أيضا مفكره صغيرة لتدون بها كل اللحظات القادمه ، ولم تنسي أن تصطحب معها مصحفها الصغير الذى سيكون رفيق رحلتها ، ثم القت نظره طويله على انحاء المنزل وكانها اصبحت تودع كل شىء وأفاقت منها على صوت خالد متسائلا


خالد : خلاااص يا نهي جاهزة


نهي : اه يا خالد خلااااص ، انا جاهزه اهو


خالد : طيب يلا يا حبيبتى عشان منتاخرش


ثم تمشي خطوات قليله وتقف هاتفه


نهي : خالد !!


خالد : نعم يا حبيبتى


نهي : ممكن ......


خالد : خير يا نهي ، ممكن ايه ، قولى يا حبيبتى

 

نهي فى تردد واضح :لا.. خلاااص ولا حاجه


خالد : مالك يا نهي ؟ ، قولي يا حبيبتى فى ايه ؟؟ قلقانه ليه؟؟


نهي : مش عارفه يا خالد ، بس عاوزة أوصيك على ماما وبابا


خالد فى دهشه : توصينى ؟؟


نهي : فاكر الآيه اللى ربنا سبحانه وتعالى بيقول فيها {اللَّهُ الَّذِي خَلَقَكُم مِّن ضَعْفٍ ثُمَّ جَعَلَ مِن بَعْدِ ضَعْفٍ قُوَّةً ثُمَّ جَعَلَ مِن بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاء وَهُوَ الْعَلِيمُ الْقَدِيرُ} (54) سورة الروم


خالد ولم يعي مغزى نهي : صدق الله العظيم ، طبعا عارفها ، مالها الآيه دى ؟؟


نهي فى تأثر: عارف معناها ؟! .. الأول بنكوون أطفال صغيرين وضعااف ومحتااجين مساعدة اللى حوالينا دايما .. وبعدين نكبر ونبقي شباب والشباب قوة ..وبعدين نرجع ضعاااف تااانى ونبقى شيوووخ ونبقي محتاجين اهتمام اللى حوالينا


ياااااااااااه يعنى الأطفال = الشيوخ


الاتنين محتاجين رعايه وحنان وصبر


هي هي نفس الدااايرة .. {مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَى} (55) سورة طـه


خالد فى صمت : ........................


نهي : انا عارفه إن الحمد لله احنا التلاته بارين ببابا وماما ،بس عاوزاك تبقى تخلي بالك عليهم اكثر
هما كبروا وزى ما احنا كنا محتاجينهم زماان واحنا صغيرين وضعاف ، هما كل يوم بيعدى عليهم بيكبروا وبيضعفوا وبيحتاجوا رعايتنا زى ما احتاجناها احنا زماان


خالد وقد زاد تعجبه وكأن نهي تتحدث لغه اخرى غير العربيه و لم يستطع فك طلاسمها : فى ايه يا نهي ؟؟ مالك يا حبيبتي ؟؟


نهي : خد كلااامى كده يا خالد ومش لازم تفسره دلوقتى ، خدنى على قد عقلي


خالد : يا حبيبتى ، من غير ما توصينى انتى عارفه بابا وماما فى عنيه ، إحنا مالناش بركه غيرهم ، ويمكن رضاهم علينا هو اللى كارمنا كده فى حياتنا بعد رحمة ربنا بينا
بس كلامك غريب يا نهي ، مش معقول كل ده عشان خايفه تركبي الباخرة ، انتي فيكى ايه ؟؟


نهي : ولا حاجه يا حبيبي ، ما تقلقش عليه أنا بخير ، يمكن عشان دى اول مره هنبقي احنا فى مكان وانتوا فى مكاان ، رهبة البعد بس


وترتمي فى حضنه كأنها طفل صغير يبحث عن الأمان فاحتمى بجذع شجرة يأويه من برد المكاااان
واصطحبها خالد وهو محتضنها بقوة ونزلوا سويا إلي العربه ، وظل يرمقها طوال الطريق بنظراات حائرة .. وتمني لو يعرف ما بها


***

ووصلوا إلي الميناء وصعدوا ثلاثتهم إلي الباخرة مودعين خالد بقلوب أصبحت ترتجف شوقا ً إلي لقاء الحبيب الذى غدا قريب المنال
وبدأ الجميع فى التحرك لإتخاذ أماكنهم ، وواتخذ الحج كامل غرفتين متجاورتين يفصل بينهم باب مشترك ، حتى يوفر لنهي راحة أكبر فى أخذ حريتها دون حرج من وجوده
وبدأ فى نقل الشنط الى غرفهم واذا بشااب يساعده فى نقلهم


عمر : السلاام عليكم ، عنك يا والدي


الحج كامل : ربنا يكرمك يا ابنى ، ملوش لزوم


عمر : لا إزاى ، حضرتك تحب أنقلهملك اى غرفه ؟؟


الحج كامل : هناك لو سمحت .. ويشير بيده للغرف


عمر : على كده احنا جيرااان ، أنا نازل فى الغرفه اللى جنب حضرتك


الحج كامل : ونعم الجيرة يا بنى ، سيماهم على وجوههم ،


عمر : الله يكرمك يا والدى دانا اللى قدرى كويس انى اكون جار حضرتك
رحلة طيبه باذن الله


ويأخذ الشنط بقوة الشباب وينقلها الى الغرف ، ثم يتابع
عمر : فى أى حاجه تانيه يا والدى هتنقلها


الحج كامل : لا يا بنى جزااك الله كل خير ، تعبناااك معانا


عمر : ولا تعب ولا حاجه ، حضرتك زى والدي


الحج كامل : وانا يشرفني يا بني
ثم يتابع ، طيب مش تعرفنى بإبنى الجديد بقي


عمر : اسمي عمر عبد الخالق ، مهندس معماري ،


الحج كامل : ما شاء الله ، وانا يا سيدى ، والدك الحج كامل ، عندى بفضل الله شركة توريدات أغذية


عمر : تشرفنا يا حج


الحج كامل : وانت رايح السعودية شغل ولا عمرة ؟؟


عمر : لا عمره إن شاء الله ، انا عملي فى القاهرة ، بس بحاول من وقت للتانى إني احافظ على اداء العمرة كل ما ربنا يسرلى وخصوصا إني عايش لوحدى بعد ما والدى ووالدتى توفوا، فبحاول أداوم على العمره ليه وليهم ، وربنا يتقبل


الحج كامل وقد إذداد إعجابه بعمر : ربنا يباركلك يا ابنى ، ويتقبل منك ان شاء الله


عمر : منا ومنكم إن شاء الله يا والدي ، طيب اسيب حضرتك ترتاااح ، ومش هوصيك بقي لو احتجت حاجه بقي ليك ابن تعتمد عليه ان شاء الله فى أى شىء


الحج كامل مؤكدا : طبعا يا بنى ربنا يباركلك


وينصرف عمر وهنا تأتى نهي ووالدتها بعد أن أخذتا جوله سريعه للباخره



***
نهي مُداعبة كعادتها: كنت فين يا سي بابا ، احنا هنزوغ كده من أولها


الحج كامل : مفيش فايدة فى لسانك ، سابقك دايما ، كنت بنقل الشنط يا ستي
مانتى ومامتك انشغلتوا عنى بالمنظر ، فمحبتش أقطع استرسالكم


ويكمل كلامه موجها نظراته الى زوجته : بس ايه يا ام خالد ربنا بعتلي شااب ربنا يباركله
والله الدنيا لسه بخيرو فيها شباب رجاله وجدعاان


وتبادله زوجته نظراته داعيه الله ان يرزق نهي شاب مثله


نهي فى غير إكتراث : هو احنا هنقضيها ع الباب ولا ايه ؟؟
مش ندخل بقي نرتاااح شويه قبل أذان الظهر ، إحنا عاوزين نستعد للعمره من واحنا هناا ان شاء الله


الحج كامل مؤكدا كلامها : طيب يا ستي ، دى أوضتك عشان تبقى واخده راحتك وبينا وبينك باب مشترك اهو ، افتحيه واقفليه براحتك


نهي فى خجل من كرم والدها معها : ربنا ما يحرمنى منك يا بابا ، ثم تقبل يده ورأسه


وتستئذنهم وتتدخل غرفتها لترتاح قليلا ، ولترتب خطة رحلتها
ويكمل الحج كامل لزوجته حكاويه عن ذلك الشاب الذى اثار إعجابه بشده
وبشغف الامهاات ، تسمعه ، وتسئله


الأم : هو متجوز يا حج ؟؟؟


ويجيبها وقد قرأ فى ملامحها دعوة تتمني تحقيقها وآمنّ على دعوتها بنظرته وأجابها : لا يا ستى اللى عرفته انه عايش لوحده بعد ما والدته ووالدته ماتوا
الأم " وبقلب الأم " : الله يرحمهم ، يا حبيبي يعني يتيم الام والأب ، ربنا يرزقه ان شاء الله الزوجه الصالحه
اللى تكونله سكن وتعوضه عن حرمانه من الاب والام
وفى داخلها تتمني أن تكون تلك الزوجه هى نهي ..



***


تــُـرى هل سيضيف عمر للاحداث شيئا ؟؟؟
وكيف سيكون لقااء نهي بالحبيب ؟؟
تابعوناااا